Leef vastelaovesvrunj.
Mit pien in het hert laote veer uch weite det het “Geistig Vastelaoves Theater” det dit jaor op 10 februari zou plaatsvinje in de nuuj Oranjerie, NEET DOOR GEIT.
Geer höb het mesjien al in de gezet gelaeze, door ein misverstandj binne de Gemeinte Remunj is de subsidie, die veer neudig höbbe óm deze sjone middaag te kinne organizere, te laat is toegekind, wodoor veer alles höbbe mótte aafzègke.
Det is natuurlik heel jaomer, veur uch maar ouch veur ós, de Remunjse Geis. Maar veer belaove uch, ós rood, geel, greun vastelaoveshert blief kloppe, veer kómme trök het volgend jaor. Dan make v’r d’r weer ein sjoon feesje van.
“Want euver eine jaor sjtaon veer d’r weer, ein jaor allein, jao det kin vleege, maar veur veer ós misse, zeen veer weer biejein”.
Veer winse uch allemaol eine sjone vastelaovend toe.
Maak lol en plezeer, veer zeen ós, toet de volgende keer.
Mit eine hertelikke groet en eine dieke knoevel.
Alaaf!
De Remunjse Geis.