In de Appelsieneriej vinjt op zaoterdaag 1 meert 2025 de zèsde oetveuring van “GEISTIG vastelaoves THEATER” plaats.
Ein ruum veer oer doerend nostalgisch program mit Remunjse vastelaovendkleinkuns oet de aje en nuuje tied. Alle artieste waere mit ein muuzekaal wilkóm groots binnegehaold.
Ein keur van Remunjse artieste zal veur ’t pebliek häör eige inbring gaeve aan die vastelaovendkleinkuns mit zank, dans, buuts, dikklematies en sketches.
De artieste waere oetgedaag óm ein bezónjere act te bringe wobiej veral de interactie mit ’t pebliek van groot belang is.
Het pebliek waert gevraog óm zoväöl meugelik verkleijd te kóme, minimaal ein jeske, teske of heudje. Mit behulp van de teksbeukskes kint eederein volop mitgenete en mitzinge. Ouch waere de bezeukers oetgeneudig óm in te sjpele op ’t gebeure.
“GEISTIG vastelaoves THEATER” is ein binneivvenement gerich op miense die de nostalgische vastelaoves Geis wille preuve.
De organisatie en prizzentatie van deze middaag is in henj van de Remunjse Geis in samewirking mit de Appelsieneriej.
De meziek is in henj van Tim Giesbers & combo.
